花名「周一鑊」嘅衞生福利及食物局局長周一嶽上任後揩過唔少嘢，令佢民望長期低位徘徊。最新一期《公務員通訊》訪問佢，周一鑊自爆當年老董搵佢頂替小強係因為兩件事，第一單係97年爆發禽流感，全港第一個確診個案就喺伊利沙伯醫院診斷同病逝，當時周一鑊喺伊院做行政總監，被派負責同美國CDC溝通。
第二單係03年沙士時，周一鑊轉去瑪麗醫院做聯網總監，當年瑪麗收咗好多病人，但冇好似威院咁大爆發。周一鑊就係憑呢兩次「功績」上位，老董落台，煲呔都冇換馬。煲呔連任後，周一鑊有冇得撈呢？八方貼佢有得留低，事關佢話「我真的別無所求」，唔做官就做義工，顯得冇野心，煲呔最放心。