J2配音組前日推出為《大隻B自由行》製作嘅預告，對白就係咁講：「第一，千其咪摶出位。第二，有人兇你就舉高手仔。第三，為表清白，剝光豬先好示威。最後請預咗畀人潑冷水叫你返歸。」


同之前J2為日本動畫《進擊的巨人》宣傳片配上嘅讀白：「我哋渴望自由，但係唔敢抗爭；追求平等，但又戀慕權力；以前我哋畏縮，今天更加妥協」頗有異曲同工之妙。(新聞連結: http://bit.ly/1uod7XG )

係咪反了反了？無綫新聞部總監袁志偉曾訓斥員工：「你有冇訪問過佢先？你憑乜嘢作出咁嚴重嘅指控？你係咪佢心裡面嗰蟲？」

J2一向捧場者都唔少，其實高清翡翠台都有一定客路。適逢內地劇依家喺高清台播緊，就有人發現，其中兩條宣傳片，段稿，當然係配合劇情之餘，更完全反映香港當下時局。不過套劇都播咗咁耐啦，只係咁啱俾網民發現而已。

顧名思義，《隋唐演義》故事內容都係講官逼民反，而今次網民張貼嘅兩條宣傳片，內容如下：

「(旁白)曾經，我哋都只係好普通嘅百姓，我哋只係想安穩生活。(劇中對白)逆我者，不可活。(旁白)但係當權者一再壓榨，我哋一再忍讓，但依家，我終於明白，乜嘢叫做官逼民反，民不得不反。(緊接出劇中對白)各位鄉親，從今以後，我哋反喇!」

另一條《隋唐演義》宣傳片如下：
「(旁白)與民為敵，好大喜功，國之根本經已動搖。」

More：
「希望在於行動，改變始於抗爭，依家天下百姓，叫聲四起，揭竿起義，係為咗天下百姓。你點解仲係唔明白0架？」