農夫今晚喺尖沙嘴出席「LCX x HEDOF 15周年慶祝派對」，佢哋順勢宣傳11月舉行嘅演唱會，農夫話演唱會飛已經賣晒，好開心，o依家決定加開兩場，有啲緊張同壓力，陸永話：「加場演出日期係閒日，需要大家幫忙宣傳，賣飛有壓力，最大障礙係少咗時間綵排，未試過加場，所以特別開心。」

陸永笑話：「我哋冇乜宣傳，只係落街派下傳單，未來要改變宣傳策略，再落多次街派多次傳單至得。」而加演環節方面，佢哋就話每場talk嘅內容同歌曲都會唔同。

至於陸永外父被追數事件，最後佢老婆要出聲明話同本人無關，問到件事發展如何？陸永話：「平息咗個幾月，都ok嘅，之前係有人搵過我追數，但已經搞掂咗，最近周刊影到我同小朋友返學，拎返件事翻炒。」