【新增影片】

2019年元旦日（1月1日）沙田11場賽事，已於今早（30日）進行排位，沒有一位騎師座騎滿額，潘頓、韋達、蘇兆輝、莫雷拉、李寶利這五位好手都甚受歡迎，均騎9駒上陣。

不過，全日最多馬跑的騎師，卻並非上述五子，而是田泰安及華將何澤堯，均有10匹座騎，其中何澤堯今期部份戰馬甚具實力，如「管之星」、「有衝勁」及「威進駒」上仗都跑入前四名。

其中跑第10場三班1600米的「威進駒」，這匹750萬拍賣馬近兩仗非冠即亞，近況出色，今仗雖然增程初跑1600米，路程沒根據，但同母馬曾贏至2150米，「威進駒」隨時有更佳表現。

何澤堯元旦騎到冇停手咁滯，相反澳洲年輕好手祈普敦就慘咯，排位表完全冇佢個名，既非停賽亦非養傷，原來敦敦一匹座騎都book唔到，全日各場共132匹參戰馬，一隻都不屬於敦敦，1200蚊策騎費都唔俾佢賺。

若非敦敦早前喺香港短途錦標策「翩翩」跑到第二，分到22萬獎金嘅話，佢呢排收入分分鐘真係仲少過一個文員仔。