由金秀賢孖女神全智賢合作嘅韓國神劇《來自星星的你》，於2013年播出時爆紅，近日泰國決定翻拍呢齣神劇，並落實由現年25歲嘅泰國、奧地利混血男星Nadech飾演「都教授」，由28嘅Matt飾演「千頌伊」。

日前Nadech及Matt已開工並為新劇拍攝海報，二人於劇中嘅造型於網上曝光後引起網民熱烈討論，唔少人認為Nadech戴眼鏡嘅造型都幾似「都教授」，不過唔夠金秀賢童顏。

另外，唔少人嫌泰版「千頌伊」跟男主角唔太襯，留言表示「都係原版嘅千頌伊更靚」、「女主角冇全智賢性感同時可愛嘅感覺」等，未知新劇播出時，泰版《來自星星的你》可唔可以再掀熱潮？