【紅館處男騷】關智斌被容祖兒摸勻全身 古巨基代張致恒做合唱拍檔

蘋果日報 2019/09/14 13:04

容祖兒古巨基關智斌
    一連兩場的關智斌（Kenny）首個紅館處男演唱會《KENNY is BORN 關智斌演唱會》，昨晚於紅館舉行，全場爆滿。
    大師兄古巨基打頭陣為Kenny擔任表演嘉賓，兩人以組合姿態合唱BOYZ的《LALA世界》，載歌載舞。Kenny穿上由基仔設計的半截上衣，大曬六嚿腹肌，白色貼身褲更露出兩邊恥骨，非常性感。
    Kenny表示要好好多謝古巨基，因為對方是第一個不收分毫為他做嘉賓的大哥哥：「佢知我冇咗個拍檔，就嚟代替咗我拍檔。」基仔笑指自己是貼錢做嘉賓，談到他設計的舞衣：「其實我嘅設計概念好簡單，中秋節，你哋睇下佢側側地，有個側月，紅館都有得賞月㗎。」
    基仔笑指網民提議他們叫「巨斌組合」、「童顏巨斌」感覺很咸濕，他鬼馬說：「我都係唔適合同你做組合，不如相敬如斌啦，好冇呢？」說罷即全場起哄，Kenny不禁偷笑，基仔即問他：「你係咪好開心呀？你笑喎，你笑喎。」全場再度起哄。
    Twins亦是昨晚的表演嘉賓之一，三人合唱《明愛暗戀補習社》及《愛情當入樽》。Kenny與她們互相擁抱後，蔡卓妍（阿Sa）開始爆料：「多謝你一直畀好多歡樂我哋，你喺我眼裡面嘅都係優點。」鍾欣潼接着說：「比如話你講嘢好直啦。」阿Sa即瞪大雙眼問Kenny：「你直㗎咩？」Kenny即解釋是率真。
    Kenny再換上黑紅閃閃流蘇造型，獻唱連串快歌《Sexy Back》、《Volar》、《Sorry Sorry》、《愈夜愈有機》及《大熱》，他更脫去上衣露出弗爆零脂肪身型，不時自摸又與多位男舞蹈員熱舞，場面火辣辣。
    隨後，大師姐容祖兒現身與Kenny合唱《隆重登場》，祖兒兩度用手輕撫他的胸肌，又叫Kenny做「舞台皇者」。祖兒望着他的身材，兩眼發光說：「點解咁益我？可唔可以摸下呀？好實呀，好似石春咁呀！關智斌，你（胸肌）識唔識震呀？」她又指着Kenny肚臍說：「你肚臍污糟喎，冇人幫你捽咩？ 」全場哄笑。
    祖兒很戥Kenny開心，比起將來他宣佈結婚更開心。其間契女梁浸浸大叫契媽，祖兒即向她揮手，Kenny說：「佢今次冇瞓喎。」祖兒即搞笑說：「佢見到我呀嘛。」Kenny即踢爆梁浸浸在她的演唱會睡着了，祖兒怒睥他說：「佢係唯一一個瞓着㗎。」
    採訪：盧妹
    攝影：陳俊強
    -----------------------------
    【撐學生】
    召集有心人 撐學生全年睇《蘋果》
    立即按此
    -----------------------------
    《囚牢之疆》 專頁
    揭開集中營邪惡面紗
    今日新疆 明日香港
    empty
    empty
    大師兄古巨基打頭陣為Kenny擔任表演嘉賓。
    empty
    Kenny穿上由基仔設計的半截上衣，大曬六嚿腹肌，白色貼身褲更露出兩邊恥骨，非常性感。
    empty
    Kenny表示要好好多謝古巨基，不收分毫為他做嘉賓。
    empty
    Twins亦是今晚的表演嘉賓之一，三人合唱《明愛暗戀補習社》及《愛情當入樽》。
    empty
    Kenny與她們互相擁抱。
    empty
    阿Sa：「多謝你一直畀好多歡樂我哋，你喺我眼裡面嘅都係優點。」
    empty
    Kenny脫去上衣露出弗爆零脂肪身型。
    empty
    Kenny大曬完美身材，不時自摸。
    empty
    祖兒兩度用手輕撫他的胸肌，又叫Kenny做「舞台皇者」
    empty
    祖兒望着他的身材，兩眼發光說：「點解咁益我？」
    empty
    祖兒很戥Kenny開心，比起將來他宣佈結婚更開心。