【體LIVE FAN享會】近200會員《蘋果》睇波 情侶捧利物浦場當拍拖
蘋果日報 2019/12/14 21:40
利物浦屈福特FAN享會體LIVE
由《蘋果》舉辦、升級壹會員獨家免費專享，NowTV提供直播嘅【體LIVE FAN享會】，今晚在蘋果日報大樓舉行利物浦主場對屈福特英超大戰睇波派對，吸引近200紅軍球迷參與。
今場比賽除有超大螢幕直播，亦有提供小食飲品供球迷享用。此外，更邀得利物浦球迷鄧洢玲（阿旦）、前香港五人足球代表「富仔」黃耀富及利物浦官方球迷會代表Mino擔任主持。
帶同兒子到場的黃先生笑言：「我哋上年去咗利物浦主場晏菲路睇兩場波，今年就喺蘋果日報主場睇番場。」黃先生直言利物浦今場應拿下勝仗，在出征世冠盃前壯行色，並維持英超領先位置。對於老將占士米拿續約，他表示：「呢位老將搏到盡，鬥心好好，仲可以帶動年輕球員。」黃先生身穿沙拿球衣，其兒子則偏愛雲迪積克，因這位荷蘭中堅防守出色。
至於Pele和女友Shuen則視支持利物浦為拍拖活動，Shuen笑言：「每場無論幾點，佢都會捉我一齊睇波。」Pele表示自己從小學已是紅軍擁躉，亦要「信利物浦，信高普」，他表示：「絕對有信心可以大炒屈福特。只要保持呢個水準，（利物浦）可以第一年攞聯賽冠軍。」
記者、攝影：許嘉明
物浦球迷鄧洢玲（阿旦）、前香港五人足球代表「富仔」黃耀富及利物浦官方球迷會代表Mino擔任主持。
今場比賽除有超大螢幕直播，亦有提供小食飲品供球迷享用。
今場比賽除有超大螢幕直播，亦有提供小食飲品供球迷享用。
今晚在蘋果日報大樓舉行利物浦主場對屈福特英超大戰睇波派對，吸引不少紅軍球迷參與。
球迷在印上利物浦LOGO的巴士前合照。
帶同兒子到場的黃先生笑言：「我哋上年去咗利物浦主場晏菲路睇兩場波，今年就喺蘋果日報主場睇番場。」
Pele和女友Shuen則視支持利物浦為拍拖活動。