本報日前揭發全港有十多間分店的廣東燒味餐廳以「一國兩制」收費向旅客掠水，至昨日仍未收斂。記者昨下午以旅客身份光顧廣東燒味尖沙咀漢口道分店，要求索取旅客餐牌，並點了標價一碟$120的叉燒(例牌)、$15一碟白飯及$20一杯的熱奶茶和熱檸茶各一杯，連同加一後共$193；但本地客餐牌的例牌叉燒只標價$80，熱飲為$14。
記者又發現多間分店都貼出前美國總統克林頓的照片，並中英對照寫着「我最喜歡廣東燒味」，記者在網上搜尋，發現不少台灣或內地旅客都誤以為克林頓曾經光顧該餐廳。
記者再昨致電負責管理其中八間廣東燒味的莊先生查詢，他說早年獲朋友告知克林頓在其回憶錄中提到未當美國總統前曾到香港旅遊，吃過廣東燒味後非常喜歡，否認以克林頓做生招牌誤導食客。
莊重申，給旅客的燒味「比較靚」，故價錢亦較貴，但他認同收費不一會造成不必要誤會，亦曾收過旅遊業議會勸喻改善，「家已經做緊嘢，要重新計過成本同定價，需要時間印新餐牌。」莊預計，新餐牌將於下月印好推出，到時本地客與旅客的收費將會劃一，「會調低旅客價，但攞番個中位數，所以本地客會加價，預計加兩成。」他又訴苦說︰「海鮮價唔係我哋，係供應商，上年10月一斤燒鵝來貨價係$23，三個月來一路加，家係$33一斤。」網民則大罵廣東燒味︰「呢d先係真正港奸影衰香港」、「垃圾餐廳」。