當年今日
關於我們

【內地「復工令」】Baby密封造型現身長沙 冇罩黃曉明同對手舔雪糕

蘋果日報 2020/03/26 16:00

楊穎黃曉明Angelababy娛樂娛樂


武漢肺炎重創內地各行各業,連帶整個影視界亦停工近兩個月。不過最近唔少劇組已經開始復工。內地「復工令」一出,唔少藝人都紛紛埋位,好似原本帶住老婆高圓圓同女兒返台灣「避炎」的趙又廷,前日已經帶埋妻女返回上海,準備到橫掂復工。

另一失蹤人口Angelababy ,昨日從上海飛到長沙,拍攝綜藝節目。久未露面的Baby ,昨日現身長沙機場,準備拍攝湖南衛視新一輯綜藝節目《巧手神探》。雖然話疫情開始受控,不過Baby 絕對冇掉以輕心,踏入機場高危區,Baby雖然獲安排行貴賓通道,但都做足準備,全新包到冚,黑衫、黑褲、黑色漁夫帽笠到落眼,加埋大大個「豬咀型」口罩,完全見唔到眼同鼻。粉絲們就話「靠着一對美腿,一眼就認得出是Baby了!」

另一邊廂,早前在酒店自我隔離的黃曉明都已經埋位,今日有網友在成都見到黃曉明同對手蔡文靜,拍攝劇集《危機先生》,吸引過百粉絲圍觀。據現場所見,街上只有三成人有戴口罩,而正在拍攝的黃曉明更全程冇戴口罩,仲要同對手蔡文靜一杯軟雪糕兩份食,雖然係劇情所需,但在緊張時刻,似乎欠衛生喎!

empty
Baby 帶着豬嘴口罩,由頭笠到落腳啊,現身長沙機場。
empty
有工作人員帶着Baby,通過貴賓通道離開。
empty
黃曉明在成都開工,拍攝期間同對手一杯雪糕兩份食。
empty
拍攝現場,只有三成人有戴口罩。
empty
疫情爆發後,黃曉明在成都酒店自我隔離,長達兩個月。
empty
內地下「復工令」,趙又廷與高圓圓一家三口也從台灣返回上海,準備開工。

----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤