黃耀明﹑DamienRice及LovePsychedelico，噚晚喺西九文化區出席Clockenflap香港音樂節及藝術節，全場氣氛熱烈﹗

現場有photobooth、有買嘢食及飲品嘅增值卡、亦有指定吸煙區，不過現場有唔少人於非指定吸煙區食煙。

DamienRice遲咗10分鐘上台，解釋因為燈光問題，喺台上向粉絲致歉。台下有女粉絲大叫「iloveyou」，DamienRice聞言笑說：「thankyou」，全場大合唱《9Crimes》。

之後明哥出場掀高潮，佢大唱連串經典英文歌，全場氣氛high爆，現場有義工拎住籌款箱，明哥表示：「如果好聽就捐啲錢，我哋就會繼續喺度『打劫』大家。同埋我想將今晚唱嘅歌，送畀盧凱彤、林二汶。」

其間有十幾廿名圍觀樂迷，high到跳上台，而明哥負責打碟，不過後來台上愈來愈多人，工作人員都有叫大家小心安全，唔好迫上台。

之後LovePsychedelico出場，全場都係勁high，並用廣東話同fans打招呼「你哋好嗎？」之後再以英語謂：「你哋玩得開心嗎？我哋一起過快樂時光！」