傳統智慧稱十個光頭九個富，實際上人人都愛髮至上，「發」不「發」還是其次。迷你論壇網友東頭之友有切膚之痛，「如果男仔廿幾歲就禿頭，會唔會了結生命？」網友都勸他看開一點，不要諗埋一邊，「側田都做到明星，甩頭髮，使乜驚？」

東頭之友透露自己的秘密，他說現時雖然沒有明顯禿頭現象，但頭髮逐漸稀薄，很擔心情況惡化，「如果我40幾歲就冇乜所謂，𠵱家廿幾歲就甩頭髮，真係恥辱！」不少迷你論壇網友都自稱有少少甩髮或輕微禿頭現象，可見這問題並不罕見，千華稱自己不介意禿頭，「如果我靚仔，就光頭都靚仔，碧咸都試過剃光頭。」阿威則說：「男仔最緊要有才華，有冇頭髮都係其次啫。」

缺乏自信心冇女友

也有人指「髮」力無窮，沒有頭髮問題很大，Yana稱有個同學開始禿頭，「佢十幾歲仔就開始光頭，好缺乏自信心，又冇女朋友，好慘。」儍Q更說頭髮很有價值，「如果光頭，真係畀幾億元我都彌補唔到心靈創傷。」「再見理想」勸東頭之友，「既來之，則安之，頭髮要甩都冇辦法。」古柏也說生命可貴，毋須為了脫髮問題自尋短見，「冇頭髮只係外表唔同咗，冇咗條命就乜都冇，你諗清楚啦。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]