【本報訊】林鄭月娥（圖）對「止暴制亂」的警隊千依百順，但對同樣冒險抗疫的醫護人員卻態度傲慢。對於前線醫護醞釀罷工，她指摘只是部份人不想承擔更多工作而採取激烈行動，更語帶譏諷說：「可能過去七個幾月香港社會慣咗要用激烈行動。」2017年競選特首時已缺乏醫學界支持的她，明顯對醫護在抗爭運動中堅持人道立場懷恨在心。

自誇沙士時「唔驚做多咗嘢」

醫護工會正計劃發起工業行動，希望逼政府封關阻止疫症入侵。林鄭月娥昨回應時表示：「有部份，我相信係部份醫護人員提出激烈行動。」她認為現時要和平理性及互相支持才能防疫。她又自誇在2003年沙士期間，自己擔任社會福利署署長，「我哋都係全情投入，唔會好驚社署做多咗嘢，醫院你自己搞掂」。她又表示部份醫護人員如擔心工作量及醫護裝備不足夠，應開心見誠與政府商量，「唔係下下都要用激烈行動，可能過去七個幾月香港社會慣咗要用激烈行動」。

食衞局長陳肇始較早前在見記者時不斷咳嗽仍不戴口罩，衞生署長陳漢儀更為她辯護稱，社交場合毋須戴口罩，令人質疑是因為政府正就蒙面法上訴。林鄭月娥卻否認政府在戴口罩問題上有政治考慮，「話衞生署署長回應有關喺乜嘢情況乜嘢環境下要戴口罩，而去揣測陳署長對於緊急法、反蒙面法有興趣，我覺得唔係好尊重陳署長嘅專業，我唔相信陳署長會諗得咁遠」。
■記者麥志榮