憑大熱韓片《屍殺列車》劑身「千萬演員」行列嘅男星孔劉，其有份主演嘅新片《密探》本月7號喺韓國上映，短短幾日，累積入場人數就已經近100萬，認真厲害。而《屍殺》上月25號正式喺香港公映，截至今晚7點，累積票房為50,154,986，突破5千萬大關。

另外，韓國有相關機構於上月8號至噚日期間，做咗最新一個月嘅演員評價調查，結果孔劉以壓倒性嘅得分蟬聯冠軍，力證其人氣，而男星河正宇同宋仲基繼續排第二、第三名。日前以新造型現身「首爾國際電視節2016」嘅宋仲基，喺現場遇見一齊合作劇集《太陽的後裔》外國演員David McInnis，當然要自拍留念喇。