余文樂﹑胡杏兒﹑莊思敏及狄易達等，今晚出席灣仔舉行嘅Infiniti陳列室開幕活動，杏兒身穿背心裙亮相，有指佢會加盟蕭定一，杏兒表示：「呢啲傳聞嚟啫﹗」咁係咪2500萬包三年？佢話：「商業秘密，大家冇理由會知，暫未簽任何一間公司，好多謝佢哋，現階段仲係無綫，冇嘢可公布，尊重娘家。」

咁2500萬係講多咗定少咗呢？佢話：「等我諗吓先，決定咗會同大家講。」係咪2500萬太少？佢話：「唔好只係講錢，自己都唔細，都要睇吓有冇得發展，今年好多變動。」係咪要考慮埋結婚？佢話：「講真呢樣要考慮，唔會完全唔考慮。」男友有冇畀意見？杏兒謂：「佢好open，都有畀意見。」

余文樂現身時被追問同有份拍《赤道》嘅馮文娟傳緋聞，佢否認拍拖：「電影宣傳嚟，拍戲見過一次，佢係好勤力演員，家人同朋友都好緊長介紹女仔畀我識。」