上次沙田日賽蔡約翰四喜臨門，在新一年登上榜首位置，雖然目前頭馬數目只與羅富全看齊(亞軍次數蔡約翰較多)，但以蔡廐近期旺勢，相信頭馬陸續有來。今期(7日)蔡廐第四場「估惑」今季不勝真相是因路短，今次增程更合發揮，勝算不甘後人。

第四場三班1600米：「估惑」上季在港跑田草1400米一出即勝，對於三歲愛爾蘭自購馬而言，這算是高難度動作，這反映了牠的質素絕不簡單，跑中距離足以在二班爭勝。今季跑過幾場不勝，前段都未能夠搶出放頭跑，路程已經嫌短，需要增程跑一哩。此駒在外地已經贏過1600米，長力好過同父馬「幸福指數」，但跑法卻相同，貼欄放頭跑威力最強。

前領馬「估惑」今仗排十檔亦影響不大，反而可以確保前中段能夠進佔前領位置，有權一放到底贏馬。

第一場四班1000米：初出馬「金鼓齊鳴」在澳洲出生，周歲拍賣會出售後，被運到新西蘭做基本訓練，之後在新西蘭的兩歲馬試跑拍賣會轉售，當時跑200米造10秒86，而買家把牠運返澳洲受訓，今年八月在悉尼試740米大閘，當時已屬現時幾位馬主名下，一放到底贏個幾馬位，前速夠快，而且腳法相當純熟。

「金鼓齊鳴」外地操練相當充裕，來港後雖然只試過一次閘，但狀態已經夠爭勝水準，早熟短途馬力足一出即勝。

==============================================================
【minigame】2017瘋暈人物 返工打機唔使擇日
http://bit.ly/2CeWQkP