作為「政改三人組」成員之一的林鄭月娥如今成為特首，她接受港台訪問時被問到會否將重啟政改納入明年的施政議程時，稱倘約政改再次失敗，香港社會或會再次陷入撕裂，「有個計算『呢樣嘢做唔做到』，如果做唔到，又係令到香港本來平穩咗、經濟又比較好，又返返去佔領嘅局面，又返返去社會撕裂，我覺得社會大眾都唔會贊成。」

林鄭認同普選是值得爭取的目標，重申現時要創造有利條件，她指民主派議員近日因修改議事規則的爭議，表明要向建制派及特區政府百倍奉還，「呢個肯定唔係有利條件」，至於明年能否提出重啟政改，林鄭笑稱不能排除民主派議員會否回心轉意，「大家心平氣靜咁坐低嚟傾囉。」

上近接近半年，林鄭稱感到社會已比較平穩，爭吵聲音減少，雖然仍不時有示威集會，但參與人數減少，「畀我哋嘅感覺係好似平靜咗落嚟，但究竟係呢屆政府嘅功勞，抑或係香港人去到一個階段覺得好攰喇，想平平靜靜、開開心心咁，呢個都好難講清楚，不過總的來說我哋仲係受到鼓舞嘅！」