車路士加時下半場被堤亞高施華頭槌建功，取得重要入球，對於擁有泰利、加利卡希爾一對英格蘭中堅的車路士嚟講，今次輸高空波，完全被K.O.。不過，睇真啲的話，車仔今次出局可能係輸自己，因為泰利防守角球時，竟然係盯死自己隊友，仲要係中堅拍檔卡希爾，結果俾施華有空位頂入成2:2。究竟泰利做乜盯錯人？真係估佢唔到！