中環在線：
劉Sir 乾坤一開fb教賭馬 - 李華華
蘋果日報 2017/09/04 05:20
中環在線賭劉智傑馬季
馬季開鑼，鍾意買馬嘅匯豐前高層劉智傑（劉Sir，圖）當然有去沙田馬場喇，仲順手開咗個叫「賭馬娛樂圈」嘅facebook group，廣邀各路英雄交流。不過劉Sir話，個group唔係教人贏錢，而係教人唔好輸錢先。
劉Sir個fb post一出，即刻引嚟過百人留言報名，不過由於只接受30至40位會員，同埋要喺fb寫明自己夠18歲先得，好多遲留言嘅人無緣入去了。
劉Sir個fb post一出，即刻引嚟過百人留言報名，不過由於只接受30至40位會員，同埋要喺fb寫明自己夠18歲先得，好多遲留言嘅人無緣入去了。
群組內容不得外洩
劉Sir話，賭馬涉及玄學層面，玄之又玄之處，不便多作解釋，更唔想令未成年者跟隨，從而染上賭癮，所以唔喺𠵱家個fb戶口講，另外開個18禁嘅「賭馬娛樂圈」，參加嘅人亦唔准向外透露內容。
華華打電話問劉Sir詳情，佢話啲friend鍾意買馬仔，咪開個group大家交流下囉，重點唔係分享贏錢經驗，而係希望大家唔好輸咁多。
查實劉Sir本身有本神秘手抄經書，勁過九陰真經，就係佢歷年喺馬場上輸錢經驗嘅總結，「成日輸咁點？好似股票咁，成日輸就寫低，唔好再犯錯！」佢自己亦有套私家賭馬軟件，不過就話太舊，唔會同人分享，仲想搵人寫過個軟件咁話。
咁問番最重要嘅問題，噚日有冇斬獲先？佢話：「和咗就當贏喇！」又啱喎。
華華打電話問劉Sir詳情，佢話啲friend鍾意買馬仔，咪開個group大家交流下囉，重點唔係分享贏錢經驗，而係希望大家唔好輸咁多。
查實劉Sir本身有本神秘手抄經書，勁過九陰真經，就係佢歷年喺馬場上輸錢經驗嘅總結，「成日輸咁點？好似股票咁，成日輸就寫低，唔好再犯錯！」佢自己亦有套私家賭馬軟件，不過就話太舊，唔會同人分享，仲想搵人寫過個軟件咁話。
咁問番最重要嘅問題，噚日有冇斬獲先？佢話：「和咗就當贏喇！」又啱喎。