喺人大釋法前夕，數千名港人噚日上街表態反釋法，部份遊行人士晚上轉戰中聯辦示威，仲「佔領西環」……直至今晨近3點，警方清場，德輔道西重新開通，歷時8.5小時嘅「佔領西環」結束。

《蘋果》今日透過微信搵到王宗堯，講到噚晚「佔領西環」事件，佢話：「噚晚成晚瞓唔好，一直好擔心再發生警民衝突流血事件。」

今朝人大又投票通過釋法，王宗堯話：「提出嗰吓已經知道好渺茫，我都唔敢諗將來變成點，以為立法會選舉後有希望，o依家要等選特首。」係咪對香港冇晒信心？王宗堯就話：「其實香港冇商機、冇創作、冇空間，就唔會有未來，香港最大本錢就係仲有創作空間。」