【麥格夫隨筆】騎師錦標賽之夜 放長雙眼睇何良?
何良國際騎師錦標賽麥格夫隨筆放眼量
每年一度國際賽周轉眼又到,照例先上演國際騎師錦標賽,今年特色係新舊共冶一爐,所指的新是騎師年輕化,有刺激下才會有火花擦出。
翻查記錄,以往騎師錦標賽夜,告東尼、賀賢同何良成績都唔錯。呢三個練馬師今次計兵力以何良高一啲,第二場「寶驫有盈」打叠兩場應勝卻敗,主因蔡明紹發揮欠硬淨。今次換田泰安補中機會大,除非佢發揮得較蔡明紹仲要差!
出戰後晚(6日)騎師錦標賽的其中兩駒,第七場「放眼量」前仗雖贏田草1400米,但贏完後繼續專攻1400米,但明顯睇到性能越變均速,加程係合理部署,能贏田草轉戰谷草會賺到級數。
第四場「聚歡笑」獨沽一味谷草一哩專家,上季國際騎師賽夜由杜滿萊爆半冷,但當時42 分現今53分,屬既可攻也可守一類。
反而新轉投的第一場「喜盈豐」在上手馬房於田草1400米兩次入Q,絕非冇能力的五班馬。