當年今日
關於我們

【冇工開坐喺度】李天翔遇上社會運動加疫情 離巢後靠積蓄頂住

蘋果日報 2020/03/19 18:48

李天翔張松枝陳少邦

張松枝、李天翔、陳少邦都先後離開大台發展,3人相識多年,一齊經歷不少趣事,陳少邦近日主持清談節目《邦你講》,今集邀請到兩位死黨一齊分享。
3人都曾在舊公司捱騾仔,如今各有發展,話題投契,松枝和天翔識於微時,最深刻印象是16年前一同合作電視劇《覆雨翻雲》,松枝說:「當時本身已經認識,喺北京住埋100日,勾起以前好多趣事,辛酸反而冇乜,因為本身都好辛苦,習慣咗。」3人離巢行着同樣軌跡,特別有共鳴,天翔說:「松枝同少邦比我早走,出到來原來真係要等吓,運動加疫情真係冇咩做坐喺到,好彩屋企負擔唔大,自己有積蓄頂住先。」
松枝分享過來人經驗:「係要等吓, 過咗疫情會好啲,好多電影劇集停滯咗,過咗會開返,到時就會搶人。」松枝有份在馬來西亞拍攝網劇《女法醫JD》,不過早前因要返港宣傳ViuTV劇《二月廿九》,雖然《女》本來還有戲份要拍攝,但現時當地已正式封關,松枝說:「已經收到通知唔使再返過去,要隔離各樣,劇組等唔到咁耐,估計我剩低戲份改咗。」松枝未有因此感到可惜, 慶幸反而重要部分已經完成,現在留港工作。

採訪、攝影:卓寶花
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
(左起)張松枝、陳少邦、李天翔都先後離開大台發展,3人相識多年。