【韓流】《和遊記》獲勞動部確定可繼續拍攝 《尹食堂2》突取消記招
尹食堂2和遊記
《尹食堂2》後日首播,原定聽日舉行嘅製作發佈會突然取消
【新增《和遊記》內容】
由李昇基、車勝元、吳漣序等人主演嘅tvN新劇《和遊記》,於上月23號首播後是非不斷,甚至有指劇組涉隱瞞工作人員高處墮地受傷嘅意外,引起爭議,隨後警方及韓國僱佣勞動部介入調查,同時一個名為「全國言論勞動組織」嘅工會亦有到拍攝現場調查,工會指將於韓國時間聽日晏晝2點舉行座談會,發表調查結果。
而今日勞動部就發表立場,指經過到片場現場調查後,劇組唔使中斷劇集拍攝,但因為違反部份安全規則,唔排除要被罰款或進行司法調查,言下之意《和遊記》可以繼續拍攝,唔使面臨停播。
同時,tvN綜藝節目《尹食堂2》原定聽日舉行製作發佈會,不過因發佈會與工會舉行嘅座談會嘅時間一樣而受到影響,導致《尹食堂2》製作發佈會今日突然宣佈取消。而《尹食堂2》方面先就取消發佈會一事道歉,又指雖然冇發佈會,但4位演出者李瑞鎮、鄭有美、尹汝貞及朴敘俊就會於韓國時間聽日晏晝1點透過V app進行直播見粉絲,令期待《尹食堂2》嘅粉絲大感無奈。
更多韓流,喺晒《娛果》
http://fb.com/appledailyent
【minigame】2017瘋暈人物 返工打機唔使擇日
http://bit.ly/2CeWQkP