當年今日
關於我們

周秀娜演暴乳紫荊俠

蘋果日報 2011/06/09 06:00


戴上眼罩、披低胸俠衣,四處派錢派糧的港版女超人「紫荊俠」濟貧引起全城關注,這位謎女郎的神秘身份及行善手法都充滿傳奇。製作人蕭定一睇中這位傳奇人物,決定將紫荊俠故事搬上銀幕,並成功斟掂周秀娜孭飛,化身32D暴乳紫荊俠。電影《紫荊俠》的故事內容比現實版更加戲劇化,甚至加進各式女英雄,變成全港英雌大雜燴。

據悉電影骨幹描述紫荊俠拜師學藝,身手了得,傳說中的香港歷代女俠包括女殺手、黑玫瑰、木蘭花和黃鶯均會穿插片中,扮演紫荊俠的師傅,紫荊俠還有一班追隨者如小貓俠、chokchok俠及神奇隊長等。不過群俠玩嘢只屬電影其中一項元素,其實主力是帶出紫荊俠為升斗市民吐烏氣,反映香港貧富懸殊、樓價太高及僭建成風等真實事例。

據悉《紫荊俠》將於年底開拍,明年暑假上映,製作費約4,000萬港元。記者昨日致電蕭定一查詢,他承認拍《紫荊俠》屬實,周秀娜已答允主演。為何揀中娜姐做紫荊俠?蕭定一說:「紫荊俠除咗幫人外,最深入民心係性感,最突出胸部,大家都好集中,所以我決定用周秀娜,佢胸部夠大,年紀好適合,但佢都要刻苦,因為佢拍呢部戲要鍛煉身手,要去泰國受訓一至兩個月。」

周秀娜昨日直認會主演《紫荊俠》,她在電話中說:「我睇過故事大綱,睇完都鍾意,好想玩,佢係香港人民英雄,女超人打救平民,家各行各業都出現怪獸,呢個女超人就出嚟打怪獸。」紫荊俠的嘜頭是一身性感打扮,周秀娜大讚好,她笑說:「夏天咁熱,佢好聰明,好彩露少少,唔係生熱痱都似。」即是周秀娜的俠衣會心口開大窿?她說:「冇乜所謂,但都未諗造型。」