李連杰雖然有Instagram帳號，但平時見佢甚少擺嘢上去，但噚晚聖誕節，佢出po更新，相中見佢攬住兩位美女影相，原來係佢兩個寶貝女，李連杰仲留言話：「Wishing you a Merry Christmas from my family to yours（我們一家祝大家聖誕快樂）。」網民都讚佢兩個女夠索！照片中，李連杰左右攬住兩個女兒，3個人企喺一個寫住LA霓虹燈嘅裝置面前，畫面係好溫馨，美中不足係利智唔入鏡，佢嫁俾李連杰後好鬼低調。

杰老闆問利智所生嘅兩個女，大女Jane今年18歲，細女Jeda今年15歲，兩個女主要係由利智去管教，聽講教得唔錯，不過老公有時會埋怨佢俾太大壓力啲女。睇番兩位李小姐嘅新相，兩個都已經亭亭玉立，頭髮留長咗，少女味出晒嚟，身高就已經過過爸爸啦！唔知佢兩個女係咪要入娛樂圈，聽講李連杰持開放態度，尊重女兒決定，但利智反而唔係咁贊成。

精選娛聞，喺晒《娛果》
http://fb.com/appledailyent