韓國旅行真人騷節目《花樣姐姐》大受歡迎，湖南衛視有樣學樣，近日推出咗新綜藝節目《花兒與少年》，並請來鄭佩佩等五位姐姐，配搭擔當導遊角色嘅張翰同華晨宇，但首播後就被觀眾狂踩，指唔及《姐姐》好睇、好假兼有做戲之嫌。

件事矛頭直指張翰，網民批評佢喺首集已將自戀、自我同不善溝通等個性通通表現出嚟，建議佢應該返屋企睇《姐姐》，向同樣擔當導遊角色嘅李昇基學吓點樣贏得一眾姐姐同觀眾嘅好感。