第四十屆香港國際電影節記者會今日舉行，杜琪峯、游乃海監製，三位鮮浪潮得獎者：許學文、黃偉傑、歐文傑（即《十年》中《方言》單元導演)執導電影《樹大招風》，與大陸電影《火鍋英雄》成為開幕電影。其中《樹大招風》由任賢齊、林家棟、陳小春主演，時光倒流至97年主權移交前的香港，因為片中涉及賄賂大陸貪官及軍火買賣等，被禁止於大陸上映。該片亦成為本屆電影節之亞洲首映系列。

至於被譽為港版《KANO》的短片《點五步》(陳志發執導，林耀聲、廖啟智等主演)亦於電影節登場，列「世界首映」。故事非常本土，故事圍繞沙燕隊這隊少年棒球隊，如何由Loser經歷大變衝出國際——84年的香港，沙角邨，難兄難弟，被標籤的Band5學生，嚴肅的校長(廖啟智)，地獄式訓練……本片係真真正正的本土電影。

另邱禮濤執導，許志安、文詠珊、林家棟、余安安主演的《兇手還未睡》，亦入圍本屆香港國際電影節，同樣都係100%香港製造。

邱禮濤另一力作——由杜汶澤、黃秋生及王宗堯主演之黑社會電影《選老坐》，亦是電影節放映電影之一，不過該片遭電檢處指片名有黑社會用語成份，故需改名為《選老頂》。頂！

選老頂？老頂即係上司(阿Head)，黑社會選阿Head？

杜汶澤今日接受《蘋果》電話訪問時稱，雖然新名不及原有夠氣勢，但礙於電檢處「大石責死蟹」，惟有改名遷就：「平時有睇開貴報報道，知道黑社會有選坐館，『坐館』係黑社會用語，但唔知『老坐』都係。電檢話問過啲黑社會專家，話係黑社會用語喎，咁電檢嘅嘢，我真係識條鐵咩，佢哋話點咪點囉。」

阿澤透露，《選老坐》之名係邱禮濤同佢一齊度，新名當然唔係最好。阿澤話佢因為覺得以前好多描述黑社會嘅電影，但依家為迎合大陸地市場、同類題材已經見少買少，所以先至興起拍《選老坐》。

時代向前走，惟獨香港自從97後樣樣嘢都在退步。如電檢處，以前港產電影尺度比依家鬆寬得多，裸露爆粗抽煙都係家常便飯，依家動輒列2B級甚至兒童不宜；又如戲名，以前《跳灰》(賣白粉)、《出冊》（出獄）、《文雀》（扒手）等都屬於黑社會術語，但照樣可以成為戲名(編按:《藍燈籠》過唔到，要改名為《燈籠》才可上映)。

荒謬的香港。

第四十屆香港國際電影節網址：
http://www.hkiff.org.hk/zh/