中基現在已身為兩位小朋友的父親，在小朋友面前盡量節制，但仍有漏網一日，大女Emma在他講電話的時侯，學了一句粗口，中基說：「佢自己記住咗突然講出嚟，嗰句粗口咪『仆街』囉。有年同佢去澳門聖誕節睇燈飾，啱啱經過地盤畀啲板遮住咗，囡囡睇唔到啲燈就講咗句『睇唔到喎，仆街』，之後全車人望住我。」接着中基抵死說：「佢講得啱喎，佢冇用錯呀，我冇教過佢點用都識。其實佢大咗都會識，問題係喺父母面前講唔講，就算講都唔係乜嘢大件事。」

阿伯被鎖當笑料

阿澤今次將一套藝術電影從新以粗口包裝，讓電影節這類較小眾的文化變成大眾易明的電影，證明粗口生活化之餘又可以賺錢，阿澤笑說：「粗口梗係可以賺錢啦，我見到碼頭啲苦力抬住啲貨講『X你奶，咁X重』就可以有錢。」中基聽罷邊笑邊自爆一個粗口搵飯食的親身見聞：「法庭都有，有次我因為超速去法庭，有個阿伯同我一樣都係超速。佢證據確鑿都係唔肯認罪，法官就話下個月再去沙田法院，點知個阿伯講『唔好啦，法官。嗰邊咁X遠……』嗰法官即刻叫庭警鎖佢，關到4點先放佢出嚟，幾好又呃餐飯食仲有個橙。」
場地提供：The Tonno