剛上映嘅《烈焰雄心》（Only The Brave）改編自真人真事，向一班為撲滅山火壯烈犧牲嘅消隊員故事。主角佐斯布連（Josh Brolin）於戲中飾演消防隊監督，為拍此戲唔單止真係接受為期兩星期嘅山火消防訓練，仲全裸面向山脈向消防員致敬。

為表現出真實感，一班演員要接受真正嘅山火消防訓練，包括於深山野地過夜、靠軍糧充飢，又要學各種處理山火方法。佐斯布連「入伍」前為表示決心，只着上厚襪同工作靴，全裸面向山脈影咗張裸照，並寫上「對靴好啱著」。佐斯布連話事後都受唔少壓力要佢刪相，但佢唔肯，因為佢覺得啲公關人員唔明佢嘅用意：「呢張相正正表達咗我對消防員嘅敬意，我諗只有消防員同佢哋嘅家人先明白相中嘅『瘋狂』舉動，正係對殉職人士近乎『瘋狂』嘅勇氣最高敬意。」