台灣谷《風聲》好艷福
黃曉明借醉打孖會志玲師妹 - 馮仁昭
蘋果日報 2009/10/20 00:00
黃曉明演過內地劇《鹿鼎記》中艷福無邊嘅韋小寶，現實中佢嘅感情生活同樣精采，先後同白歆惠、應采兒等傳過緋聞，佢前日去咗台灣宣傳電影《風聲》，夜晚立即出去食飯，最初黃曉明身邊有經理人邱瓈寬傍住，同場仲有林志玲師妹張家雲（花花）、李曉涵，幾個人喺餐廳一邊飲酒一邊煲煙。
花花一見靚仔黃曉明即嗒晒糖，眼甘甘望到實，可惜邱瓈寬坐中間，令花花唔敢太進取，只可以借故親近，其後邱瓈寬出咗店外，有醉意嘅花花醒目攝位，仲坐咗喺黃曉明身邊大放生電，當黃曉明忽略佢同隔籬座位嘅熟女傾偈，花花立即呷晒醋，猛用手指去篤男方，黃曉明似乎好享受呢個溫柔鄉。
花花一見靚仔黃曉明即嗒晒糖，眼甘甘望到實，可惜邱瓈寬坐中間，令花花唔敢太進取，只可以借故親近，其後邱瓈寬出咗店外，有醉意嘅花花醒目攝位，仲坐咗喺黃曉明身邊大放生電，當黃曉明忽略佢同隔籬座位嘅熟女傾偈，花花立即呷晒醋，猛用手指去篤男方，黃曉明似乎好享受呢個溫柔鄉。
花花噚晚晒長腿支持黃曉明，話冇好感實在好難令人相信。
李曉涵（右）噚晚盛裝打扮踩場出席《風聲》首映。
被讚靚仔照灌酒
噚日花花酒醒又好似失憶咁，佢話：「不可能灌黃曉明喝酒的啦，反而是他一直叫我們喝酒。」花花話因為邱瓈寬關係見過黃曉明幾次，到底佢哋有冇發展「明花戀」機會？花花話：「他誇獎我很年輕，我很開心啊。我覺得他很帥，是朋友的那種欣賞。」
提到有美陪飲陪食，黃曉明噚日話：「只是和寬姐吃個飯。我酒量還好，但是我酒品很好。」曾經講過長髮大眼係擇偶條件嘅黃曉明，到底覺得花花同李曉涵邊個啱啲？佢話：「都是寬姐的朋友，我跟她們不熟。」
經過一晚休息後，黃曉明噚晚喺台灣出席電影《風聲》首映，花花着短裙露長腿同着tubedress嘅李曉涵一齊踩首映禮場，佢哋嘅打扮明顯大搶女主角李冰冰風頭，以現場觀眾反應嚟睇，黃曉明最受歡迎，佢搞笑冧fans話：「都怕大家把我看煩了。」
提到有美陪飲陪食，黃曉明噚日話：「只是和寬姐吃個飯。我酒量還好，但是我酒品很好。」曾經講過長髮大眼係擇偶條件嘅黃曉明，到底覺得花花同李曉涵邊個啱啲？佢話：「都是寬姐的朋友，我跟她們不熟。」
經過一晚休息後，黃曉明噚晚喺台灣出席電影《風聲》首映，花花着短裙露長腿同着tubedress嘅李曉涵一齊踩首映禮場，佢哋嘅打扮明顯大搶女主角李冰冰風頭，以現場觀眾反應嚟睇，黃曉明最受歡迎，佢搞笑冧fans話：「都怕大家把我看煩了。」
企高嘅李曉涵目不轉睛望實對面嘅黃曉明。
黃曉明前晚喺台灣夜蒲，身邊嘅花花煲煙不忘借故親近。