當年今日
關於我們

宮崎葵前夫高岡奏輔醉酒打人被捕

蘋果日報 2016/01/11 06:00

蘋果即時Nana傷人案鈴木亞美宮崎葵高岡奏輔

日本女星宮崎葵前夫高岡奏輔,今日傳出被捕嘅消息,據日本傳媒報導,33歲男星高岡奏輔今個月7日喺東京世田谷區路上同一名廿幾歲男子起爭執,高岡對該男子拳打腳踢,令到對方受輕傷,最終被警察以傷人罪名拘捕。

據指當時高岡奏輔喺一間食店入面飲酒,兩杯到肚之後就同該男子爭執,後來二人就喺食店附近打交,而被捕後高岡奏輔直認對對方施以暴力,佢已經保釋外出,但繼續接受調查。高岡奏輔07年同賣座電影《NANA》女星宮崎葵結婚,但婚姻只維持咗四年半就結束,當時盛傳宮崎葵搭上組合V6成員岡田准一導致離婚。之後高岡曾搭上過氣女歌手鈴木亞美。