美國有位叫Gene Lu嘅跑手，亦都係一位星球大戰迷，周不時就會利用跑步程式規劃出同星戰有關嘅圖路綫，以前嘅「作品」曾經有黑武士、白兵同埋死亡星等等。飾演星戰要角莉亞公主嘅嘉莉費莎喺上年年尾不幸離世，所以日前再次設計出新嘅星戰跑步路線去紀念佢。Gene Lu最新嘅路線係星戰裡面「X戰機」機師個頭像，佢話係紅色小隊嘅隊長，全長大約11公里，願跑步原力與佢同在。