唔使返工有糧出,而且咁樣仲會被視為「藝術」,咁筍?原來德國柏林藝術家MariaEichhorn在英國ChisenhaleGallery舉行緊藝術展覽,展品非常破格,係「藝廊員工放假要你摸門釘」!吓?這個展覽展期至5月29日,不過展覽開始第二日,所有藝廊員工就開始放假,人工照支,放足個幾月,藝廊也會霸氣落閘,仲話想知詳情自己去畫廊網頁睇咁話。最搞笑係展覽講到明send過去的email會一律delete,咁樣員工放假後就唔使覆堆積如山的email,葡萄已不足以形容我的酸溜溜程度了。
展覽名為"5weeks,25days,175hours.",也就是給員工放假的日子。MariaEichhorn這個展覽重點在於「時間」,看大家怎樣花時間、計算時間、衡量它的價值。藝術品並不在那空空的藝廊內,而是那個給予員工的假期,看他們會怎樣利用。藝術品唔一定係一件實物,也可以係引發大眾的討論。冇嘢睇,有嘢諗,邊個話咁樣唔係藝術?
記者:葉青霞
資料來源:ChisenhaleGallery