曾參加韓國選秀節目《PRODUCE 101》男團版嘅15歲混血男歌手Kim Samuel，即將於下周六來港舉行粉絲見面會，當日仲撞正前輩男團CNBLUE同日開騷。

而上周正式solo出道，推出首張迷你專輯《SIXTEEN》嘅Kim Samuel獲唔少前輩好友支持，當中就連CNBLUE嘅鄭容和都力撐佢，並為後輩打氣，鄭容和仲喺Kim Samuel出道發片當日喺網上發文支持佢。

原來佢哋認識多時，關係一直好好，對於前輩嘅支持，Kim Samuel都有發文答謝鄭容和，不過因為二人嘅合照就喺鄭容和身上，所以直到噚日佢哋喺活動上見面會時，Kim Samuel先爭取機會同鄭容和合照。

而下周開騷嘅Kim Samuel現時正為見面會做準備，主辦單位為咗令粉絲可以同Kim Samuel有更多互動，現時就喺網上集合粉絲嘅願望，到時Kim Samuel仲會親自喺見面會上實現佢嘅願望。