由韓國男星朴敘俊跟女星朴敏英合作嘅tvN人氣韓劇《金秘書為何那樣》日前已經播到第六集，收視再創出開播以來嘅好成績，睇嚟收視未有受世界盃影響，劇迷寧願睇劇都唔睇波。

而tvN方面今日亦都公開咗《金秘書》嘅新花絮(相關連結： https://bit.ly/2lvEd4C )，當中一眾演員包括朴敘俊同朴敏英就排排坐睇返佢哋拍攝時嘅片段，當朴敘俊同朴敏英喺圖書館時，因為突然停電，朴敏英就拎起個電筒扮鬼，朴敘俊同朴敏英睇到都即時笑爆嘴。

同時亦有公開二人喺金秘書屋企時，朴敏英撲到入朴敘俊懷內嘅片段，佢哋都要試好多次位，朴敘俊仲慘被朴敏英嘅長髮拮到眼，睇到攬攬場面時，雙朴都肉緊討論，仲顯得好怕醜呢。

更多韓流，喺晒《娛果》
http://fb.com/appledailyent