自封「台獨樂團」嘅閃靈樂團，原訂昨午為何韻詩喺科學園搞嘅《On The Pulse Of 我們正在》音樂節擔任表演嘉賓，但主辦單位於上月為閃靈樂團申請工作簽證，卻遲遲未獲香港入境處回覆批准與否，結果阿詩在演出前夕，被迫宣佈閃靈樂團取消演出。（新聞連結： https://bit.ly/2Lx4H1x）

今日阿詩在facebook貼出入境處嘅回覆信件，嘲諷低B政府：「原來只要你無香港境內不存在嘅技能或知識經驗，你都唔使指擬攞到簽證。」

對於入境處以呢個咁大「理由」拒絕申請，樂隊RubberBand成員泥鯭以短訊回覆《蘋果》：「入境處可以有一千個理由拒絕一個人嚟香港，但都要合邏輯同叫人信服先得，而最緊要唔好雙重標準。如果工作簽證係一定要符合佢哋講呢個要求，咁我舉個例，依家建造業嘅外勞係咪個個身懷絕技？而佢哋一直話唔評論個別事件，但係呢啲所謂個別事件（如早前外國記者會主席不獲續發工作簽證）所搵到嘅共通點，不得不使人懷疑佢哋講嘅原因係咪事實。」

而王宗堯則表示：「hahaha，佢哋應該可以入境啊咁，因為佢哋識閃靈wor，香港人應該無人識。哈哈哈哈！」

精選娛聞，喺晒《娛果》
http://fb.com/appledailyent