當年今日
關於我們

陳豪自認腍善爸爸

蘋果日報 2018/12/20 05:20

陳豪

陳豪前晚於九龍塘出席戶外品牌活動,他透露稍後會和陳茵媺(Aimee)帶子女飛澳洲過聖誕,然後再趕返港出席倒數活動,他說:「安排咗好耐,以往年年都要開工。之前返加拿大考起Aimee,今次坐八個鐘輕鬆好多,加上有我分擔。」他自認是腍善爸爸:「冇辦法,爹哋每次望住小朋友嘅眼神都充滿愛,好容易畀佢哋『攝』咗入去!」

問五歲大仔返學有沒有心儀的女同學?陳豪說:「未!好彩仲未有呢個意識,我哋好注重童真。男女關係去到小學會接觸,唔使我哋教。」問他會否擔心女兒將來拍拖,他無奈地說:「我哋話到事咩?將來世界屬於佢哋。」
採訪︰卓寶花
攝影:仇志德