近日最流行嘅一句說話,唔係「穩定壓倒一切」,亦唔係「以民為本」,而係「合約精神」!
拆紅灣半島,係遵守「合約精神」,領匯上市,又係「合約精神」,而港燈申請加價,阿董又係要講「合約精神」喎!
黃面孔偽美國佬朗尼.陳話:香港係全中國最「共產主義」嘅社會。真係荒謬!香港有咁多「合約精神」,又點會係共產?共產黨同你講合約咩?當年土改,將地主啲地契一把火燒晒不特止,今時今日,返大陸做生意,明明簽咗約,共方都隨時反口,告到上「人民法院」,都冇叉用!
為咗粉碎朗尼.陳詆毀香港嘅謠言,香港人必須大樹特樹合約精神,實行合約抗共、合約防共,因為合約精神就即是保障「資本主義」制度嘅萬靈防腐劑!