滙豐保險終於有新CEO！近年香港保險業監管政策多多，競爭又大咗，保險CEO個位真係唔易做。滙豐保險自從前一姐阮瑞芬（Candy）3月左右辭職後，一路都未有公佈邊個會頂替佢個位。今日終於宣佈，本身係滙豐保險香港署理行政總裁兼分銷業務主管嘅文德華（Edward Moncreiffe）會坐正做新一哥。

文德華係英國特許保險學院的認證保險師，早係2005年已經加入滙豐，先後係經紀服務、核保、再保、非壽險等部門擔任高級行政職位。而佢2016年移居香港之前，就已經係滙豐巴西人壽及退休金主管，仲曾經擔任環球營銷夥伴主管及環球零售保險主管，喺保險業界相當資深。聽聞佢上任後諗住大展拳腳，下半年會推出呢排好多人關注嘅年金產品呀。

蘋果財經，關心你飯碗
http://fb.com/appledailyatm