導演陳德森今日去到柴灣青年廣場出席電影分享會，向年輕人分享多年來拍攝電影嘅點滴，導演首先喺分享會上講到當年拍攝《晚九朝五》嘅片段，佢話雖然電影被列為三級：「但只係以一個寫實嘅形式去講述當時年輕人賣醉夜蒲嘅故事，並無刻意賣弄色情嘅成分，但係仍然好難搵到演員肯拍攝。」最後終於搵到當時仍然係模特兒嘅陳豪、周嘉玲同陳小春拍，結果電影上映後大受歡迎。

陳德森又講到佢獲得獎金像獎最佳導演嘅《十月圍城》，他稱拍攝期間面對好大困難，致情緒都出現問題，回首當時情況，陳德森稱：「因為當時係故事背景係清朝，好多演員要剃頭，但因為拍攝時上海天氣好差好多日都開唔到工，演員嘅下一套電影日期漸近。」天時地利人和缺一不和。

幸好當時一班朋友包括陳可辛、董瑋同劉偉強義務到上海幫手拍攝：「呢一種兄弟情我永遠都記得，亦係香港電影精神，所以當時係金像獎攞最佳導演嘅時候，雖然係劉偉強頒獎畀我，我都同佢講個獎你都有份，你都攞一陣啦！」

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP