嚟到今季第5次賽事，跑星期六往往對於行內人或馬迷都感覺時間比較緊逼，少一天去備戰做功課。不過努力工作後，星期日可與親朋戚友品茗都是難得的事，所以馬會盡量安排每月一次星期六賽事，也是計過度過。

上星期都跑過泥地賽，跑法上比較平均，放追也可，今次有兩場1650米泥地，第五場四班泥地1650米，「好腳頭」於鄭俊偉馬房時已累積三場泥地頭馬，當中兩場屬同程1650米，上季同期亦不需熱身下贏馬，今季轉到羅富全，賽前試泥漿大閘，後上第三腳頭輕巧有力，體重上升不肥，7歲博季初交代。

同場「無限欣賞」上季尾曾於同程濕慢泥快時間贏「曾幾何時」、「大步走」，後來「曾幾何時」再出補中，今次1檔形勢相似，能跟守好位要留意。「玩得喜」上周三谷草內閃下追勢強勁，熱身後轉場仍要提防。

草地方面，用上傳統利跟前的C+3跑道，所以起尾注第十場先揀跑法主動之「勇霸神駒」。上季中尾打疊於1400米連捷，快步速能貫注到底，中慢步速亦前快後韌，今次四檔用潘明輝減七磅，可跨季3捷。

對手方面，「綠勇士」復課草地快試的確很靚，但始終易位難贏做配腳。「靚紫荊」初跑1400米一役輸近，距頭馬「勇霸神駒」僅個半馬位，今季復課明顯有進步，跑新鮮感要留意。「快樂實在」今季才4歲，繼續成長中，目前季初階段升上三班難度亦較小。「勢必跑」同程成績六比零，但76分三班起步有利，紅黑直間綵衣冷可提防。