林敏驄《35年時日如飛林敏驄腦交戰作品展演唱會》今日尾場，噚日就因為中央升降台出現意外，令到演唱會噚晚8點50分先可以入場，今日演唱會回復正常，8點33分正式開場。

噚日演唱會九成嘅表演都冇dancer伴舞，不過今日就回復正常，好多表演都有dancer伴舞，林敏驄就講笑話張衞健唱唱下歌去咗動物園做馬騮，之後張衞健就出場話：「我做過好多嘅，方世玉嗰啲，不過你勁呀，韋小寶都唔夠你多女。」阿驄就話：「嗰啲假架，假人黎架。」之後兩人搭住膊頭行，張衞健就向圓台中央方向話：「好似嗰度唔行得o架喎。」阿驄即話：「行得，咩唔行得呀？」張衞健即答：「You jump I jump啦呢穫嘢。」跟住張衞健同阿驄行咗入去個台邊邊位，三步左右就出返嚟。之後張衞健唱《戀愛交叉》嗰時，有6男4女dancer伴舞。