現年35歲嘅前NBA球星奧當（LamarOdom），日前因為於賭城妓院狂歡，疑誤食偉哥代替品嘅山草藥而出事。
奧當上周六已抵達賭城嘅妓院狂歡，並玩足三日三夜，直至周二下午兩個工人發現佢喺房間中昏迷，於是通知佢經理人，經理人發現佢嗰陣見到奧當口鼻中有好多液體，並將佢反轉。

而根據美國八卦網站TMZ報道，食咗偉哥代替品嘅山草藥，就陷入昏迷，警方接報到場後原來想用直升機送佢去醫院，但因為佢身高6呎10吋直升機未能載送，最後只能用救傷車送佢去醫院，醫生話奧當要靠儀器，唔可以自己呼吸，據知奧當前妻KhloeKardashian、以及佢個真人騷女星家姐KimKardashian同媽咪KrisJenner，都飛咗去賭城陪伴佢身旁。

奧當係於09年同美國真人騷女星KhloeKardashian結婚後並於前年離婚，據講婚變原因同奧當吸食毒品有關。