韓劇《加油！金順》、《朱蒙》嘅36歲女星韓惠珍，於2013年7月與年輕8歲嘅國腳奇誠庸結婚，並於2015年9月誕下女兒。韓惠珍婚後都減少工作，前年喺SBS《Doctors》中客串一角。

去年韓惠珍曾定居英國喺當地陪老公踢波，不過現時韓惠珍已返回韓國，並回歸公仔箱，喺下月首播嘅MBC劇中《牽著手，看夕陽西下》擔正做女主角。

而近日韓惠珍上咗節目受訪，被問到冇拍劇嘅日子生活成點時，韓惠珍就話都係過住啲主婦嘅生活，主力湊仔同埋打理家族。不過問到佢喺英國生活後英語能力有冇勁咗好多時，韓惠珍即尷尬指自己雖然生活喺當地4年左右，但英文水平完全冇進步，更搞笑話自己嘅英文能力係完全唔可以出街，只可以留喺屋企。

至於現時得兩歲多嘅女兒似邊個時，韓惠珍興奮地透露女兒似足老竇，又指愛女遺傳咗父親嘅優良因子，所以體力好同埋身得高，同埋講嘢亦都好快。

更多韓流，喺晒《娛果》
http://fb.com/appledailyent