【新增內容】

上周日（23號）踏入45歲單親媽媽吳綺莉，因女兒卓林跟同性外籍女友Andi出走加拿大，離港多月仍未肯歸家，作為母親嘅吳綺莉心力交瘁，已有3個多月沒更新微博，直至中秋節才上載一幅「月餅森林」畫作；昨日吳綺莉終於晒新相，着紅色吊帶裙，性感迷人，似已走出家事陰霾！

吳綺莉寫道：「很久沒開工，好開心。」相中嘅佢精神飽滿，一頭微鬈長髮，低胸、露背兼晒長腿，女人味十足，網民留言讚：「好美，年輕的你又回來了，做自己吧」、「從現在起為自己而活」、「不愧是選美出身，打扮起來太美了。」

18歲嘅卓林與母親關係決裂，今年4月孖同性女友Andi出走加拿大，上周日吳綺莉45歲生日，卓林在社交網沒留言祝福，而且，卓林嘅facebook於今年中更忽然改姓氏，由「Etta Wu」變成「Etta Zen」！吳綺莉嘅英文姓氏係「Wu」，成龍原名陳港生（Jackie Chan），原來「陳」姓英文亦可譯作「Zen」，如陳日君樞機英文姓名就叫Joseph Zen；而在母親生日翌日，卓林貼上單人相晒手上婚戒，留言：「I know who you are. I know you know what happened.」

《蘋果》聯絡吳綺莉問到生日怎慶祝？有冇收到囡囡送祝福？吳綺莉以短訊回覆避談女兒：「中秋節快樂，大家都要開心。」問到生日過得快樂嗎？佢表示：「天天都一樣。」對於卓林在fb改姓一事，吳綺莉僅以心型和花花圖案回覆，記者祝佢開心及身體健康，吳綺莉表示：「大家都要。」

精選娛聞，喺晒《娛果》
http://fb.com/appledailyent