布志綸(Alan) 同傅佩嘉今日喺銅鑼灣時代露天廣場為音樂平台JOOX唱live演出，Alan透露樂隊Mr.今年係十周年紀念 ，四月會合體同大家見面。 Alan話：「近兩年成員冇乜見面，但一直都冇話真正散band，大家行自己嘅路，今年自己都發佈新歌，o依家同其他成員傾緊點樣再同大家集體回憶。」五位成員集合不同性格，期待突破，仲話之前大家見得大家太多想分開下，睇下創作靈感有冇啲咩改變。

傅珮嘉患上急性水腫聲帶發炎，幾乎失聲，但依然唱咗幾首歌，佢話：「已經持續兩個星期，睇咗三個醫生，又去針灸， 得出結果醫生話係壓力所致。」 佢承認近期好大壓力，又擔心小朋友功課，出新歌，仲有生意上安排，搞到嚴重了休息不足，現時最擔心失聲影響日後唱歌，所以乜醫生都試下，並由朋友介紹睇咗傳說中神醫針灸，但唔知道針灸時唔可以郁動，仲按手機，結果周身瘀傷，人哋見到以為受家暴。

精選娛聞，喺晒《娛果》
http://fb.com/appledailyent