近日香港成日掛起酷熱天氣警告，好多人都想唔使返工返學，去海灘暢泳吓。不過如果你係女仔，又可以揀位韓國型男同你去海灘游水曬太陽，你會揀邊位呢？韓娛網站「因我來福」就搞咗呢個投票選舉，畀幾位高大威猛嘅男星大家揀。
呢個名為「炎炎夏日，最想和那位男藝人共享日光浴」嘅選舉中，原以為冠軍必定係Rain同權相佑呢啲擁有40吋以上胸肌嘅男星，點知暫時係韓劇《加油金順》嘅男主角姜至煥領先，喺超過9萬選票中，姜至煥得票率接近40%，估唔到佢喺中華圈咁紅喎，不過有網友話貪佢夠帥氣。第2位係正在拍新片《宿命》嘅宋承憲，有33.5%得票率。