換句話說，「選舉主任根本唔可以單憑你有簽定冇簽確認書，就話畀定唔畀你參選，即係話唔係一定要簽份確認書先有得選」。
更大問題是，這份確認書根本不能阻止港獨人士參選，昨日就有泛民中人問馮驊，假如有人簽了確認書，等他們候選人身份確認後，才公開宣傳港獨政綱，選管會又可否取消候選人資格？據知馮驊當時也沒有一個明確答案，「即係話就算簽咗（確認書），事後先以港獨政綱參選，選管會都冇符，咁搞呢份嘢為乜呢？」
另一泛民中人更警告，選管會做這份確認書出來，若只是「冇牙老虎」，「咁就不如唔搞好過搞，反而俾本土港獨派拎嚟助選」，反過來說，若選舉主任真的因某個候選人拒簽確認書，不確認其候選人資格，勢必會引發一場政治風波，除了受影響人士必提訴訟，「可能申請禁制令禁止選舉進行」，更加可能變相為本土港獨人士助選，「到時佢哋話為參選決定簽，但又繼續會講港獨，咁又畀唔畀佢選？咁咪即係幫佢哋宣傳拉票？」
周一、三、五刊出
季陶