梁振英講明他不認同大市場小政府，他的新政府將是適度有為。講就容易！但何謂適度？一旦政府開始有為，就會越為越上癮，初時即使是適度有為，最後亦難免發展成過度有為，破壞營商環境，甚至令公營部門過度膨脹，與民爭利，扼殺自由。
就以香港人都關心的樓價來說，根據梁營支持者恒隆陳啟宗的講法，梁振英新政府將來在旺市時會推多些地，淡市則推少些，就可以保持樓價平穩發展。講就容易囉！2004年沙士剛過，誰會估到往後幾年中國經濟如此瘋狂，一舉帶動恒指四年升三倍，樓價平均升兩倍？2008年金融海嘯，股市跌三分之二，樓價瞬間跌一半，又有誰猜到在中美歐日全球印鈔之下，樓股在不足兩三年又大升一倍？
沙膽虹咁講，並非認為曾蔭權政府已做得好好，只是覺得馬後炮有誰不會呢？若如陳啟宗所言，政府咁容易透過調節土地供應就可令樓價平穩增長，那即是很容易預測樓宇需求，那陳啟宗為何會睇錯市，過去咁多年都沒有在港買地，錯失了黃金投資機會？
目前樓價又創高峯，梁振英新政府上場後會否大量增加土地供應調控樓市？到時又會否恰好遇上美國利率回升和中國經濟調整？沙膽虹冇水晶球，唔敢像別人對自己的有為咁有信心。畢竟香港經濟渺小，受中西兩大經濟體系牽引，而中美的經濟周期又往往相反，港元又與美元掛鈎，目前中國旺，帶旺香港，剛好美國經濟差，零利率，香港焗住跟，變成谷到流鼻血；一旦中國經濟走下坡，美國又復蘇，利率上升，香港經濟回落但又要跟着加息，再加上土地供應大增，豈非更不堪設想！
沙膽虹