【韓流】河智苑被秀智追貼收視 金所炫驚喜撐《當你沉睡時》
金所炫醫療船當你沉睡時
韓國月火劇(逢周三及周四播出)噚日嘅收視競爭越來越激烈,雖然由河智苑、姜敏赫主演嘅MBC《醫療船》保持冠軍位置,但收視卻被漸漸被「國民初戀」秀智夥拍韓劇《W》男星李鍾碩主演嘅SBS新劇《當你沉睡時》追貼。
前晚首播嘅《當你沉睡時》頭兩集收視有7.2%及9.2%,到噚晚播出第三及第四集就有8.3%及9.2%收視,雖然就依然不及《醫療船》嘅9.3%及11.3%,但明顯《當你沉睡時》有望追貼《醫療船》嘅收視。而金在中、UIE主演嘅《Manhole》噚晚大結局,但收視繼續慘不忍睹,只得1.9%收視包尾墊底。而金所炫亦有份客串《當你沉睡時》,並於噚晚驚喜登場。
另外,下月10號23歲牛一嘅秀智,將會喺生日正日喺首爾舉行粉絲見面會,同粉絲度過生日,唔知男友李敏鎬會唔會抽時間陪女友過生日呢?