英超勁旅車路士將喺聽日作客迎戰李斯特城，而佢地賽前就迎來好消息，就係有新中鋒「加盟」，佢就係泰拔高圖爾斯喇！呢位車仔門將狀態超級好，車仔嘅官方twitter周五發布影片，顯示佢喺訓練期間接應角球，並施展車身窩利將皮球射向死角，隊友根本冇從撲救。射入世界波嘅高圖爾斯之後更「剷草」慶祝，好似仲興奮過拎冠軍。

其實依家車仔好缺前鋒，除左「似樣啲」嘅艾華路莫拉達外，巴舒亞伊根本未成大氣，加上迪亞高哥斯達（DC）又消失咗，既然高圖爾斯有咁好射術，佢大可以轉打中鋒。但「不幸」嘅係，高圖爾斯上個月喺社區盾射失咗12碼，令球會輸左俾阿仙奴，或會令佢信心受損。

↓高圖爾斯車身窩利片段↓
http://bit.ly/2jaVotD